DOMINICA RESURRECTIONIS

Duplex I Classis cum Octava Privilegiata I Classis
.
.
INTROITUS
Resurrexi, et adhuc tecum sum, allelúja: posuísti super me manum tuam, allelúja: mirábilis facta est sciéntia tua, allelúja, allelúja. Dómine, probásti me, et cognovísti me: tu cognovísti sessiónem meam, et resurrectiónem meam. Glória Patri, et Fílio, et Spíritui Sancto. Sicut erat in princípio, et nunc, et semper, et in sæcula sæculórum. Resurrexi ...
.
Glória in excélsis.
.
COLECTA
Deus, qui hodiérna die per Unigénitum tuum, æternitátis nobis áditum devícta morte reserásti: vota nostra, quæ preveniéndo aspiras, étiam adjuvándo proséquere. Per eúmdem Dóminum.
.
EPISTOLA (1º Cor. V, 7-8)
Fratres: Expurgáte vetus ferméntum, ut sitis nova conspérsio, sicut estis ázymi. Etenim Pascha nostrum immolátus est Christus. Itaque epulémur: non in ferménto véteri, neque in ferménto malítiæ, et nequitiæ: sed in ázymis sinceritátis, et veritátis.
.
GRADUALE
Hæc dies, quam fecit Dóminus: exsultémus, et lætémur in ea. Confitémini Dómino, quóniam bonus: quóniam in sǽculum misericórdia ejus.
.
ALLELUJA
Allelúja, allelúja. Pascha nostrum immolátus est Christus.
.
SEQUENTIA
Victimæ pascháli laudes ímmolent Chrístiani.
Agnus redémit oves: Christus ínnocens Patri reconciliávit peccatóres.
Mors et vita duéllo conflixére mirándo: dux vitæ mórtus, regnat vivus.
Dic nobis, María, quid vidísti in via?
Sepúlcrum Christi vivéntis: et glóriam vidi resurgéntis.
Angélicos testes, sudárium, et vestes.
Suréxit Christus spes mea: præcédet vos in Galilǽam.
Scimus Christum surrexíse a mórtuis vere: tu nobis, victor Rex, miserére. Amen. Allelúja.
.
EVANGELIUM (Mar. XVI, 1-7)
In illo témpore: María Magdaléne et María Jacóbi et Salóme emérunt arómata ut veniéntes únguerent Jesum. Et valde mane una sabbatórum, véniunt ad monuméntum, orto iam sole. Et dicébant ad ínvicem: Quis revólvet nobis lápidem ab ostio monuménti? Et respiciéntes vidérunt revolútum lápidem. Erat quippe magnus valde. Et introëuntes in monuménum vidérunt júvenem sedéntem in dextris, coopértum stola cándida, et obstipuérunt. Qui dicit illis: Nolíte expavéscere: Jesum quǽritis Nazarénum crucifíxum: surréxit, non est hic, ecce locus ubi posuérunt eum. Sed ite, dícite discípulis ejus, et Petro, quia præcédit vos in Galilǽam: ibi eum vidébitis, sicut dixit vobis. Credo.
.
OFFERTORIUM
Terra trémuit, et quiévit, dum resúrgeret in judício Deus, allelúja.
.
SECRETA
Súcipe, quǽasumus, Dómine, preces pópuli tui cum oblatiónibus hostiárum: ut paschálibus initiáta mystériis, ad æternitátis nobis medélam, te operánte, profíciant. Per Dóminum.
.
Præfatio Paschális.
Vere dignum et iustum est, æquum et salutáre: Te quidem, Dómine, omni tempore, sed in hac potíssimum die [vel nocte] [vel in hoc potíssimum] gloriósius prædicáre, cum Pascha nostrum immolátus est Christus. Ipse enim verus est Agnus, qui ábstulit peccáta mundi. Qui mortem nostram moriéndo destrúxit, et vitam resurgéndo reparávit. Et ídeo cum Angelis et Archángelis, cum Thronis et Dominatiónibus, cumque omni milítia cæléstis exércitus, hymnum glóriæ tuæ cánimus, sine fine dicéntes:
.
COMMUNIO
Pascha nostrum immolátus est Christus, allelúja: itaque epulémur in ázymis sinceritátis, et veritátis, allelúja, allelúja.
.
POSTCOMMUNIO
Spíritum nobis, Dómine, tuæ caritátis infúnde: ut, quos sacraméntis paschálibus satiásti, tua fácias pietáte concórdes. Per Dominum... in unitáte ejúsdem.
.
Post Dóminus vobíscum dicitur Ite, Missa est, allelúja, allelúja.
R. Deo grátias, allelúja, allelúja.
.

FERIA SECUNDA INFRA OCTAVAM PASCHÆ

.
.
INTROITUS
X. Glória Patri, et Fílio, et Spíritui Sancto. Sicut erat in princípio, et nunc, et semper, et in sæcula sæculórum.
.
Glória in excélsis.
.
COLECTA
X
.
EPISTOLA (x)
Fratres:
.
ALLELUJA
Allelúja, allelúja. . Allelúja.
.
SEQUENTIA
Victimæ pascháli laudes ímmolent Chrístiani.
Agnus redémit oves: Christus ínnocens Patri reconciliávit peccatóres.
Mors et vita duéllo conflixére mirándo: dux vitæ mórtus, regnat vivus.
Dic nobis, María, quid vidísti in via?
Sepúlcrum Christi vivéntis: et glóriam vidi resurgéntis.
Angélicos testes, sudárium, et vestes.
Suréxit Christus spes mea: præcédet vos in Galilǽam.
Scimus Christum surrexíse a mórtuis vere: tu nobis, victor Rex, miserére. Amen. Allelúja.
.
EVANGELIUM (x)
In illo témpore: . Credo.
.
OFFERTORIUM
X
.
SECRETA
X
.
Præfatio Paschális.
.
COMMUNIOX
.
POSTCOMMUNIO
X
.

FERIA TERTIA INFRA OCTAVAM PASCHÆ

.
INTROITUS
X. Glória Patri, et Fílio, et Spíritui Sancto. Sicut erat in princípio, et nunc, et semper, et in sæcula sæculórum.
.
Glória in excélsis.
.
COLECTA
X
.
EPISTOLA (x)
Fratres:
.
ALLELUJA
Allelúja, allelúja. . Allelúja.
.
SEQUENTIA
Victimæ pascháli laudes ímmolent Chrístiani.
Agnus redémit oves: Christus ínnocens Patri reconciliávit peccatóres.
Mors et vita duéllo conflixére mirándo: dux vitæ mórtus, regnat vivus.
Dic nobis, María, quid vidísti in via?
Sepúlcrum Christi vivéntis: et glóriam vidi resurgéntis.
Angélicos testes, sudárium, et vestes.
Suréxit Christus spes mea: præcédet vos in Galilǽam.
Scimus Christum surrexíse a mórtuis vere: tu nobis, victor Rex, miserére. Amen. Allelúja.
.
EVANGELIUM (x)
In illo témpore: . Credo.
.
OFFERTORIUM
X
.
SECRETA
X
.
Præfatio Paschális.
.
COMMUNIO
X
.
POSTCOMMUNIO
X
.

FERIA QUARTA INFRA OCTAVAM PASCHÆ

.
INTROITUS
X. Glória Patri, et Fílio, et Spíritui Sancto. Sicut erat in princípio, et nunc, et semper, et in sæcula sæculórum.
.
Glória in excélsis.
.
COLECTA
X
.
EPISTOLA (x)
Fratres:
.
ALLELUJA
Allelúja, allelúja. . Allelúja.
.
SEQUENTIA
Victimæ pascháli laudes ímmolent Chrístiani.
Agnus redémit oves: Christus ínnocens Patri reconciliávit peccatóres.
Mors et vita duéllo conflixére mirándo: dux vitæ mórtus, regnat vivus.
Dic nobis, María, quid vidísti in via?
Sepúlcrum Christi vivéntis: et glóriam vidi resurgéntis.
Angélicos testes, sudárium, et vestes.
Suréxit Christus spes mea: præcédet vos in Galilǽam.
Scimus Christum surrexíse a mórtuis vere: tu nobis, victor Rex, miserére. Amen. Allelúja.
.
EVANGELIUM (x)
In illo témpore: . Credo.
.
OFFERTORIUM
X
.
SECRETA
X
.
Præfatio Paschális.
.
COMMUNIOX
.
POSTCOMMUNIO
X
.

FERIA QUINTA INFRA OCTAVAM PASCHÆ

.
INTROITUS
X. Glória Patri, et Fílio, et Spíritui Sancto. Sicut erat in princípio, et nunc, et semper, et in sæcula sæculórum.
.
Glória in excélsis.
.
COLECTA
X
.
EPISTOLA (x)
Fratres:
.
ALLELUJA
Allelúja, allelúja. . Allelúja.
.
SEQUENTIA
Victimæ pascháli laudes ímmolent Chrístiani.
Agnus redémit oves: Christus ínnocens Patri reconciliávit peccatóres.
Mors et vita duéllo conflixére mirándo: dux vitæ mórtus, regnat vivus.
Dic nobis, María, quid vidísti in via?
Sepúlcrum Christi vivéntis: et glóriam vidi resurgéntis.
Angélicos testes, sudárium, et vestes.
Suréxit Christus spes mea: præcédet vos in Galilǽam.
Scimus Christum surrexíse a mórtuis vere: tu nobis, victor Rex, miserére. Amen. Allelúja.
.
EVANGELIUM (x)
In illo témpore: . Credo.
.
OFFERTORIUM
X
.
SECRETA
X
.
Præfatio Paschális.
.
COMMUNIO
X
.
POSTCOMMUNIO
X
.

FERIA SEXTA INFRA OACTAM PASCHÆ

.
INTROITUS
X. Glória Patri, et Fílio, et Spíritui Sancto. Sicut erat in princípio, et nunc, et semper, et in sæcula sæculórum.
.
Glória in excélsis.
.
COLECTA
X
.
EPISTOLA (x)
Fratres:
.
ALLELUJA
Allelúja, allelúja. . Allelúja.
.
SEQUENTIA
Victimæ pascháli laudes ímmolent Chrístiani.
Agnus redémit oves: Christus ínnocens Patri reconciliávit peccatóres.
Mors et vita duéllo conflixére mirándo: dux vitæ mórtus, regnat vivus.
Dic nobis, María, quid vidísti in via?
Sepúlcrum Christi vivéntis: et glóriam vidi resurgéntis.
Angélicos testes, sudárium, et vestes.
Suréxit Christus spes mea: præcédet vos in Galilǽam.
Scimus Christum surrexíse a mórtuis vere: tu nobis, victor Rex, miserére. Amen. Allelúja.
.
EVANGELIUM (x)
In illo témpore: . Credo.
.
OFFERTORIUM
X
.
SECRETA
X
.
Præfatio Paschális.
.
COMMUNIO
X
.
POSTCOMMUNIO
X
.

SABBATO IN ALBIS

.
INTROITUS
X. Glória Patri, et Fílio, et Spíritui Sancto. Sicut erat in princípio, et nunc, et semper, et in sæcula sæculórum.
.
Glória in excélsis.
.
COLECTA
X
.
EPISTOLA (x)
Fratres:
.
ALLELUJA
Allelúja, allelúja. . Allelúja.
.
SEQUENTIA
Victimæ pascháli laudes ímmolent Chrístiani.
Agnus redémit oves: Christus ínnocens Patri reconciliávit peccatóres.
Mors et vita duéllo conflixére mirándo: dux vitæ mórtus, regnat vivus.
Dic nobis, María, quid vidísti in via?
Sepúlcrum Christi vivéntis: et glóriam vidi resurgéntis.
Angélicos testes, sudárium, et vestes.
Suréxit Christus spes mea: præcédet vos in Galilǽam.
Scimus Christum surrexíse a mórtuis vere: tu nobis, victor Rex, miserére. Amen. Allelúja.
.
EVANGELIUM (x)
In illo témpore: . Credo.
.
OFFERTORIUM
X
.
SECRETA
X
.
Præfatio Paschális.
.
COMMUNIO
X
.
POSTCOMMUNIO
X
.

DOMINICA IN ALBIS (in Octava Paschæ)

Semiduplex I Classis
.
.
INTROITUS
Quasi modo géniti infántes, allelúja, allelúja: rationábiles, sine dolo lac concupíscite, allelúja, allelúja, allelúja. Exultáte Deo adjutóri nostro: jubiláte Deo Jacob. Glória Patri, et Fílio, et Spíritui Sancto. Sicut erat in princípio, et nunc, et semper, et in sæcula sæculórum. Quasi modo ...
.
Glória in excélsis.
.
COLECTA
Presta, quǽsumus, omnípotens Deus: ut qui paschália festa perégimus, hæc, te largiénte, móribus et vita teneámus. Per Dóminum.
.
EPISTOLA (1º Joann. V, 4-10)
Caríssimi: Omne, quod natum est ex Deo, vincit mundum; et hæc est victória, quae vincit mundum, fides nostra. Quis est qui vincit mundum, nisi qui credit quóniam Jesus est Filius Dei? Hic est, qui venit per aquam et sánguinem, Jesus Christus: non in aqua solum sed in aqua et sánguine. Et Spíritus est, qui testificátur, quóniam Christus est véritas. Quóniam tres sunt, qui testimóniam dant in cælo: Pater, Verbum, et Spíritus Sanctus: et hi tres unum sunt. Et tres sunt, qui testimónium dant in terra: Spíritus, et aqua, et sanguis: et hi tres in unum sunt. Si testimónium hóminum accípimus, testimónium Dei maius est: quóniam hoc est testimónium Dei, quod majus est: quóniam testificátus est de Filio suo. Qui credit in Fílium Dei, habet testimónium Dei in se.
.
ALLELUJA
Allelúja, allelúja. In die resurrectiónis meæ, dicit Dóminus præcédam vos in Galilǽam. Allelúja. Post dies octo, jánuis clausis, stetit Jesus in médio discipulórum suórum et dixit: “Pax vobis.” . Allelúja.
.
EVANGELIUM (Joann. XX, 19-31)
In illo témpore: Cum sero esset die illo, una sabbatórum, et fores essent clausæ, ubi erant discípuli congregáti propter metum Judæórum: venit Jesus et stetit in médio, et dixit eis: “ Pax vobis.” Et cum hoc cum dixísset, osténdit eis manus et latus. Gavísi sunt ergo discípuli, viso Dómino. Dixit ergo eis íterum: “ Pax vobis. Sicut misit me Pater, et ego mitto vos.” Hæc cum dixísset, insufflávit et dixit eis: “Accípite Spíritum Sanctum: quorum remiséritis peccáta, remittúntur eis; quorum retinuéritis, reténta sunt.” Thomas autem unus ex duódecim, qui dicitur Dídymus, non erat cum eis, quando venit Jesus. Dixérunt ergo ei álii discípuli: “Vídimus Dóminum.” Ille autem dixit eis: “Nisi vídero in mánibus eius fixúram clavórum et mittam dígitum meum in locum clavórum et mittam manum meam in latus ejus, non credam.” Et post dies octo, iterum erant discípuli eius intus, et Thomas cum eis. Venit Jesus jánuis clausis et stetit in medio et dixit: “Pax vobis.” Deínde dicit Thomæ: “Infer dígitum tuum huc, et vide manus meas, et affer manum tuam, et mitte in latus meum: et noli esse incrédulus sed fidélis.” Respóndit Thomas et dixit ei: “Dóminus meus, et Deus meus.” Dixit ei Jesus: “Quia vidísti me, credidísti: beati qui non vidérunt et credidérunt.” Multa quidem et ália signa fecit Iesus in conspéctu discipulórum suórum, quæ non sunt scripta in libro hoc. Hæc autem scripta sunt, ut credátis quia Jesus est Christus Fílius Dei, et ut credéntes, vitam habeátis in nómine ejus.. Credo.
.
OFFERTORIUM
Angelus Dómini descéndit de cælo, et dixit muliéribus: “Quem quǽritis, suréxit sicut dixit,” allelúja.
.
SECRETA
Súscipe múnera, Dómine, quǽsumus exsultántis Ecclésiæ: et cui causum tanti gáudii præstitísti, perpétuæ fructum concéde lætítiæ. Per Dóminum.
.
Præfatio Paschális.
.
COMMUNIO
Mitte manum tuam, et cognósce loca clavórum, allelúja: et noli esse incrédulus sed fidélis,” allelúja, allelúja.
.
POSTCOMMUNIO
Quǽsumus, Dómine Deus noster: ut sacrosáncta mystéria, quæ pro reparatiónis nostræ munímine contulísti; et præsens nobis remédium esse fácias, et futúrum. Per Dominum.
.

DOMINICA SECUNDA POST PASCHA

Semiduplex II Classis
.
.
INTROITUS
Misericórdia Dómini plena est terra, allelúja: verbo Dómini cæli firmáti sunt, allelúja, allelúja. Exultáte justi, in Dómino: rectos decet collaudátio. Glória Patri, et Fílio, et Spíritui Sancto. Sicut erat in princípio, et nunc, et semper, et in sæcula sæculórum. Misericórdia ...
.
Glória in excélsis.
.
COLECTA
Deus, qui in Fílii tui humilitáte jacéntem mundum erexísti: fidélibus tuis perpétuam concéde lætítiam; ut, quos perpétuæ mortis eripuísti cásibus, gáudiis fácias pérfrui sempitérnis. Per Dóminum.
.
Concéde nos famulos tuos, quǽsumus, Dómine Deus, perpétua mentis et córporis sanitate gaudére: et, gloriósa beatæ Maríæ semper Vírginis intercessióne, a præsénti liberari tristítia, et ætérna pérfrui lætítia. PerDóminum nostrum Jesum Christum Fílium tuum qui tecum vivit et regnat.
.
Ecclésiæ tuæ, quǽsumus, Dómine, preces placatus admítte: ut, destrúctis adversitatibus et erróribus univérsis, secúra tibi sérviat libertate.
.
EPISTOLA (1º Petr. II, 21-25)
Caríssimi: Christus passus est pro nobis, vobis relínquens exémplum, ut sequámini vestígia ejus. Qui peccátum non fecit, nec invéntus est dolus in ore ejus: qui, cum maledicerétur, non maledicébat: cum paterétur non comminabátur: tradébat autem iudicánti se injúste, qui peccáta nostra ipse pértulit in córpore suo super lignum: ut peccátis mórtui, justítiæ vivámus: cujus livóre sanáti estis. Erátis enim sicut oves errántes, sed convérsi estis nunc ad pastórem et epíscopum animárum vestrárum.
.
ALLELUJA
Allelúja, allelúja.Cognovérunt discípuli Dóminum Jesum in fractióne panis. Allelúja. Ego sum pastor bonis: et cognósco oves meas, et cognóscunt me meæ. Allelúja.
.
EVANGELIUM (Joann. X, 11-16)
In illo témpore: Dixit jesus pharisǽis: “Ego sum pastor bonus. Bonus pastor ánimam suam dat pro óvibus suis. Mercenárius autem et qui non est pastor, cujus non sunt oves própriæ, videt lupum veniéntem, et dimíttit oves et fugit: et lupus rapit et dispérgit oves: Mercenárius autem fugit, quia mercenárius est, et non pértinet ad eum de óvibus. Ego sum pastor bonus et cognósco meas et cognóscunt me meæ. Sicut novit me Pater et ego agnósco Patrem: et animam meam pono pro óvibus meis. Et álias oves hábeo, quæ non sunt ex hoc ovíli: et illas opórtet me addúcere, et vocem meam áudient, et fiet unum ovíle et unus pastor.”. Credo.
.
OFFERTORIUM
Deus, Deus meus, ad te de luce vígilo: et in nómine tuo levábo manus meas, allelúja.
.
SECRETA
Benedictiónem nobis, Dómine, cónferat salutárem sacra semper oblátio: ut, quod agit mystério, virtúte perfíciat. Per Dóminum.
.
Tua, Dómine, propitiatióne, et beatæ Maríæ semper Vírginis intercessióne, ad perpétuam atque præséntem hæc oblatio nobis profíciat prosperitatem et pacem.
.
Prótege nos, Dómine, tuis mystériis serviéntes: ut divínis rebus inhæréntes, et córpore tibi famulémur, et mente.
.
Præfatio Paschális.
.
COMMUNIO
Ego sum pastor bonus, allelúja: et cognósco oves meas, et cognóscunt me meæ, allelúja, allelúja.
.
POSTCOMMUNIO
Præsta nobis, quǽsumus, omnípotens Deus: ut vivificatiónis tuæ grátiam consequéntes, in tuo semper múnere gloriémur. Per Dominum.
.
Sumptis, Dómine, salútis nostræ subsídiis: da, quǽsumus, beatæ Maríæ semper Vírginis patrocíniis nos úbique prótegi; in cujus veneratióne hæc tuæ obtúlimus majestati.
.
Quǽsumus, Dómine Deus noster: ut, quos divína tribuis participatióne gaudére; humanis non sinas subjacére perículis.
.

S. JOSEPH SPONSI B. MARIÆ VIRG. CONF. ET ECCLESIÆ UNIVERSALIS PATRONI (Feria IV infra Hebd. II post Octavam Paschæ)

Duplex I Classis cum Octava communi
.
.
INTROITUS
Adjútor, et protéctor noster est Dóminus: in eo lætábitur cor nostrum, et in nómine sancto ejus sperávimus, allelúja, allelúja. Qui regis Israël, inténde: qui dedúcis, velut ovem, Joseph. Glória Patri, et Fílio, et Spíritui Sancto. Sicut erat in princípio, et nunc, et semper, et in sæcula sæculórum. Adútor ...
.
COLECTA
Deus, Qui ineffábili providéntia beátum Joseph sanctíssimæ Genitrícis tuæ sponsum elígere dignátus es: præsta, quǽsumus: ut, quem protectórem venerámur in terris, intercessórem habére mereámur in cælis. Qui vivis.
.
EPISTOLA (Gen. XLIX, 22-26)
Fílius accréscens Joseph, fílius accréscens, et decórus aspéctu: fíliæ discurrérunt super murum. Sed exasperavérunt eum, et jurgáti sunt, inviderúntque illi habéntes jácula. Sedit in forti arcus ejus, et dissolúta sunt víncula brachiórum, et mánuum illius per manus poténtis Jacob: inde pastor egréssus est, lapis Israël. Deus patris tui erit adjútor tuus, et Omnípotens benedícet tibi benedictiónibus cæli desuper benedictiónibus abýssi jacéndtis deórsum, benedictiónibus úberum et vulvæ. Benedictiónes patris tui comfortátæ sunt benedictiónibus patrum ejus, donec veníret desidérium cóllium æternórum: fiant in cápite Joseph, et in vértice Nazarǽi inter fratres suos.
.
ALLELUJA
Allelúja, allelúja. De quacúmque tribulatióne clamavérint ad me, exáudiam eos, et ero protéctor eorum semper. Fac nos innócuam, Joseph, decúrrere vitam: sitque tuo semper tuta patrocínio. Allelúja.
.
EVANGELIUM (Luc. III, 21-23)
In illo témpore: Factum est autem cum baptizarétur ómnis pópulus, et Jesu batizáto, et oránte, apértum est cælum: et descéndit Spíritus Sanctus corporáli spécie sicut colúmba in ipsum : et vox de cælo facta est: «Tu es Fílius meus diléctus, in te complácui mihi.» Et ipse Jesus erat incípiens quasi annórum trigínta, ut putabátur, fílius Joseph. Credo.
.
OFFERTORIUM
Lauda, Jerúsalem, Dóminum : quóniam confortávit seras portárum tuárum: benedíxit fíliis tuis in te, alleúja, allelúja.
.
SECRETA
Sanctíssimæ Genitrícis tuæ sponsi patrocínio suffúlti, rogámus, Domine, cleméntiam tuam; ut corda nostra fácias terréna cuncta despícere, ac te verum Deum perfécta caritáte dilígere: Qui vivis.
.
Præfatio de S. Joseph.
Vere dignum et iustum est, æquum et salutáre, nos tibi semper et ubíque grátias ágere: Dómine, sancte Pater, omnípotens ætérne Deus: Et te in Festivitáte (Veneratióne) beáti Joseph débitis magnificáre præcóniis, benedícere et predicáre. Qui et vir justus, a te Deíparæ Vírgini Sponsus est datus: et fidélis servus ac prudens, super Famíliam tuam est constitútis: ut Unigénitum tuum, Sancti Spíritus obumbratióne concéptum, patérna vice custodíret, Jesum Christum Dóminum nostrum. Per quem majestátem tuam laudant Angeli, adórant Dominatiónes, tremunt Potestátes. Cæli cælorúmque Virtútes, ac beáta Séraphim, sócia exsultatióne concélebrant. Cum quibus et nostras voces, ut admítti júbeas deprecámur, súpplici confessióne dicéntes:
.
COMMUNIO
Jacob autem génuit Joseph virum Maríæ, de qua natus est Jesus, qui vocátur Christus, allelúja, allelúja.
.
POSTCOMMUNIO
Divíni múneris fonte refécti, quǽsumus, Dómine Deus noster: ut sicut nos facis beáti Joseph protectióne gaudére: ita ejus méritis et intercessióne, cæléstis glóriæ fácias esse partícipes. Per Dóminum.
.

DOMINICA TERTIA POST PASCHA

Semiduplex II Classis
.
.
INTROITUS
Jubiláte Deo, omnis terra, allelúja: psalmum dícite nómini ejus, allelúja, allelúja, allelúja. Dícite Deo, quam terribília sunt ópera tua, Dómine! in multitúdine virtútis tuæ mentiéntur tibi inimíci tui. Glória Patri, et Fílio, et Spíritui Sancto. Sicut erat in princípio, et nunc, et semper, et in sæcula sæculórum. Jubiláte Deo ...
.
Glória in excélsis.
.
COLECTA
Deus, qui errántibus, ut in viam possint redíre justítiæ, veritátis tuæ lumen osténdis: da cunctis qui christiána professióne censéntur, et illa respúere, quæ huic inimíca sunt nómini; et ea quæ sunt apta, sectári. Per Dóminum.
.
Concéde nos famulos tuos, quǽsumus, Dómine Deus, perpétua mentis et córporis sanitate gaudére: et, gloriósa beatæ Maríæ semper Vírginis intercessióne, a præsénti liberari tristítia, et ætérna pérfrui lætítia. PerDóminum nostrum Jesum Christum Fílium tuum qui tecum vivit et regnat.
.
Ecclésiæ tuæ, quǽsumus, Dómine, preces placatus admítte: ut, destrúctis adversitatibus et erróribus univérsis, secúra tibi sérviat libertate.
.
EPISTOLA (1º Petr. II, 21-25)
Caríssimi: Obsecro vos tamquam ádvenas et peregrínos abstinére vos a carnálibus desidériis, quæ militant advérsus ánimam, conversatiónem vestram inter gentes habéntes bonam: ut in eo, quod detréctant de vobis tamquam de malefactóribus, ex bonis opéribus vos considerántes gloríficent Deum in die visitatiónis. Subjécti ígitur estóte omni humánæ creatúræ propter Deum: sive regi, quasi præcellénti; sive dúcibus, tamquam ab eo missis ad vindíctam malefactórum, laudem vero bonórum: quia sic est volúntas Dei, ut benefaciéntes obmutéscere faciátis imprudéntium hóminum ignorántiam: quasi liberi, et non quasi velámen habéntes malítiæ libertátem, sed sicut servi Dei. Omnes honoráte, fraternitátem dilígite: Deum timéte, regem honorificáte. Servi, súbditi estóte in omni timóre dóminis, non tantum bonis et modéstis, sed étiam dýscolis. Hæc est enim grátia: in Christo Jesu, Dómino nostro.
.
ALLELUJA
Allelúja, allelúja.Redemptiónem misit Dóminus pópulo suo. Allelúja. Opportébat pati Christum, et resúrgere a mórtuis: et ita intráre in glóriam suam. Allelúja.
.
EVANGELIUM (Joann. XVI, 16-22)
In illo témpore: Dixit Jesus discípulis suis: “Módicum, et jam non vidébitis me; et iterum módicum, et vidébitis me qui vado ad Patrem.” Dixérunt ergo ex discípulis eius ad invicem: “Quid est hoc, quod dicit nobis: «Módicum, et non vidébitis me; et íterum módicum, et videbitis me»et: «Vado ad Patrem»?”. Dicébant ergo: “Quid est hoc, quod dicit: «Módicum»? Nescímus quid lóquitur.” Cognóvit autem Jesus quia volébant eum interrogáre et dixit eis: “De hoc quǽritis inter vos, quia dixi: «Módicum, et non vidébitis me; et íterum módicum, et videbitis me»? Amen, amen dico vobis quia plorábitis et flébitis vos, mundus autem gaudébit: vos contristabímini, sed tristítia vestra vertétur in gáudium. Múlier, cum parit, tristítiam habet, quia venit hora ejus; cum autem pepérerit púerum, jam non méminit pressúræ propter gáudium, quia natus est homo in mundum. Et vos ígitur nunc quidem tristítiam habétis; iterum autem vidébo vos, et gaudébit cor vestrum: et gáudium vestrum nemo tollit a vobis. Credo.
.
OFFERTORIUM
Lauda, ánima mea, Dóminum: laudábo Dóminum in vita mea: psallam Deo meo quámdiu ero, allelúja.
.
SECRETA
His nobis, Dómine, mystériis conferátur, quo terrena desidéria mitigántes, discámus amáre cæléstis. Per Dóminum.
.
Tua, Dómine, propitiatióne, et beatæ Maríæ semper Vírginis intercessióne, ad perpétuam atque præséntem hæc oblatio nobis profíciat prosperitatem et pacem.
.
Prótege nos, Dómine, tuis mystériis serviéntes: ut divínis rebus inhæréntes, et córpore tibi famulémur, et mente.
.
Præfatio Paschális.
.
COMMUNIO
Módicum, et non vidébitis me, allelúja: íterum módicum, et vidébitis me, quia vado ad Patrem, allelúja, allelúja.
.
POSTCOMMUNIO
Sacraménta quæ súmpsimus, quǽsumus, Dómine: et spirituálibus nos instáurent aliméntis, et corporálibus tueántur auxílliis. Per Dóminum.
.
Sumptis, Dómine, salútis nostræ subsídiis: da, quǽsumus, beatæ Maríæ semper Vírginis patrocíniis nos úbique prótegi; in cujus veneratióne hæc tuæ obtúlimus majestati.
.
Quǽsumus, Dómine Deus noster: ut, quos divína tribuis participatióne gaudére; humanis non sinas subjacére perículis.
.

DOMINICA QUARTA POST PASCHA

Semiduplex II Classis
.
.
INTROITUS
Cantáte Dómino cánticum novum, allelúja: quia mirabília fecit Dóminus, allelúja: ante conspéctum géntium revelávit justítiam suam, allelúja, allelúja, allelúja. Salvávit sibi déxtera ejus: et bráchium sanctum ejus. Glória Patri, et Fílio, et Spíritui Sancto. Sicut erat in princípio, et nunc, et semper, et in sæcula sæculórum. Cantáte Dómino ...
.
Glória in excélsis.
.
COLECTA
Deus, qui fidélium mentes uníus éfficis voluntátis: da pópulis tuis id amáre quod prǽcipis, id desideráre quod promíttis; ut inter mundánas varietátes ibi nostra fixa sint corda, ubi vera sunt gáudia. Per Dóminum.
.
Concéde nos famulos tuos, quǽsumus, Dómine Deus, perpétua mentis et córporis sanitate gaudére: et, gloriósa beatæ Maríæ semper Vírginis intercessióne, a præsénti liberari tristítia, et ætérna pérfrui lætítia. PerDóminum nostrum Jesum Christum Fílium tuum qui tecum vivit et regnat.
.
Ecclésiæ tuæ, quǽsumus, Dómine, preces placatus admítte: ut, destrúctis adversitatibus et erróribus univérsis, secúra tibi sérviat libertate.
.
EPISTOLA (Jac. I, 17-21)
Caríssimi: Omne datum óptimum, et omne donum perféctum desúrsum est descéndens a Patre lúminum, apud quem non est transmutátio, nec vicissitúdinis obumbrátio. Voluntárie enim genuit nos verbo veritátis, ut simus initium áliquod creatúræ eius. Scitis, fratres mei dilectíssimi. Sit autem omnis homo velox ad audiéndum: tardus autem ad loquéndum, et tardus ad iram. Ira enim viri iustítiam Dei non operátur. Propter quod abjicientes omnem inmundítiam, et abundántiam malítiæ, in mansuetúdine suscípite ínsitum verbum quod potest salváre ánimas vestras.
.
ALLELUJA
Allelúja, allelúja. Déxtera Dómini fecit virtútem: déxtera Dómini exaltávit me. Allelúja. Christus resúrgens ex mórtuis, jam non móritur: mors illi ultra non dominábitur. Allelúja.
.
EVANGELIUM (Joann. XVI, 5-14)
In illo témpore: Dixit Jesus discípulis suis: “Vado ad eum qui misit me: et nemo ex vobis intérrogat me: Quo vadis? Sed quia hæc locútus sum vobis tristítia implévit cor vestrum. Sed ego veritátem dico vobis: éxpedit vobis ut ego vadam: si enim non abíero Paráclitus non véniet ad vos: si autem abíero, mittam eum ad vos. Et, cum vénerit ille árguet mundum de peccáto, et de justítia, et de judício. De peccáto quidem, quia non creddidérunt in me: de justítia vero, quia ad Patrem vado, et iam non vidébitis me: de judício autem, quia princeps hujus mundi jam judicátus est. Adhuc multa hábeo vobis dícere: sed non potéstis portáre modo. Cum autem vénerit ille Spíritus veritátis docébit vos omnem veritátem. Non enim loquétur a semetípso: sed quæcúmque áudiet loquétur, et quæ ventúra sunt, annuntiábit vobis. Ille me clarificábit: quia de meo accípiet: et annuntiábit vobis.. Credo.
.
OFFERTORIUM
Jubiláte Deo, univérsa terra, psalmum dícite nómini ejus: veníte et audíte, et narrábo vobis, omnes qui timétes Deum, quanta fecit Dóminus ánima meæ, allelúja.
.
SECRETA
Deus, qui nos per hujus sacrifícii veneránda commércia, unius summæ divinitátis partícipes effecísti: presta quǽsumus; ut sicut tuam cognóscimus veritátem sic eum dignis móribus assequámur. Per Dóminum.
.
Tua, Dómine, propitiatióne, et beatæ Maríæ semper Vírginis intercessióne, ad perpétuam atque præséntem hæc oblatio nobis profíciat prosperitatem et pacem.
.
Prótege nos, Dómine, tuis mystériis serviéntes: ut divínis rebus inhæréntes, et córpore tibi famulémur, et mente.
.
Præfatio Paschális.
.
COMMUNIO
Cum vénerit Paráclitus Spíritus veritátis, ille árguet mundum de peccáto, et de justítia, et de judício, allelúja, allelúja.
.
POSTCOMMUNIO
Adesto nobis, Dómine Deus noster; ut per hæc, quæ fidéliter súmpsimus, et purgémur a vítiis, et a perículis ómnibus eruámur. Per Dominum.
.
Sumptis, Dómine, salútis nostræ subsídiis: da, quǽsumus, beatæ Maríæ semper Vírginis patrocíniis nos úbique prótegi; in cujus veneratióne hæc tuæ obtúlimus majestati.
.
Quǽsumus, Dómine Deus noster: ut, quos divína tribuis participatióne gaudére; humanis non sinas subjacére perículis.
.

DOMINICA QUINTA POST PASCHA

Semidulex II Classis
.
.
INTROITUS
Vocem jucunditátis annuntiáte, et audiátur allelúja: annuntiáte usque ad extrémum terræ: liberávit Dóminus pópulum suum, allelúja, allelúja. Jubiláte Deo, omnis terra, psalmum dicite nómini ejus: date glóriam laudi ejus. Glória Patri, et Fílio, et Spíritui Sancto. Sicut erat in princípio, et nunc, et semper, et in sæcula sæculórum. Vocem ...
.
Glória in excélsis.
.
COLECTA
Deus, a quo bona cuncta procédunt , largíre supplícibus tuis: ut cogitémus, te inspiránte, quæ recta sunt; et, te gubernánte, éadem faciámus. Per Dóminum.
.
Concéde nos famulos tuos, quǽsumus, Dómine Deus, perpétua mentis et córporis sanitate gaudére: et, gloriósa beatæ Maríæ semper Vírginis intercessióne, a præsénti liberari tristítia, et ætérna pérfrui lætítia. PerDóminum nostrum Jesum Christum Fílium tuum qui tecum vivit et regnat.
.
Ecclésiæ tuæ, quǽsumus, Dómine, preces placatus admítte: ut, destrúctis adversitatibus et erróribus univérsis, secúra tibi sérviat libertate.
.
EPISTOLA (Jac. I, 22-27)
Fratres: Estóte factóres verbi, et non auditóres tantum: falléntes vosmetipsos. Quia si quis audítor est verbi, et non factor: hic conparábitur viro consideránti vultum nativitátis suæ in spéculo: considerávit enim se, et ábiit, et statim oblítus est qualis fuérit. Qui autem perspéxerit in legem perféctam libertátis et permánserit in ea, non audítor obliviósus factus, sed factor óperis: hic beátus in facto suo erit. Si quis autem putat se religiósum esse, non refrǽnans linguam suam, sed sedúcens cor suum, hujus vana est relígio. Relígio munda et inmaculáta apud Deum et Patrem, hæc est: Visitáre pupíllos et víduas in tribulatióne eórum, et immaculátum se custodíre ab hoc sǽculo.
.
ALLELUJA
Allelúja, allelúja. Surréxit Christus, et illúxit nobis, quos redémit sánguine suo. Allelúja. Exívi a Patre, et veni in mundum, íterum relínquo mundum, et vado ad Patrem. Allelúja.
.
EVANGELIUM (Joann. XVI, 23-30)
In illo témpore: Dixit Jesus discípulis suis: «Amen, amen, dico vobis: si quid petiéritis Patrem in nómine meo, dabit vobis. Usque modo non petístis quidquam in nómine meo. Pétite et accipiétis. ut gáudium vestrum sit plenum. Hæc in provérbiis locútus sum vobis. Venit hora cum jam non in provérbiis loquar vobis. sed palam de Patre adnuntiábo vobis. In illo die, in nómine meo petétis: et non dico vobis quia ego rogabo Patrem de vobis: ipse enim Pater amat vos, quia vos me amástis, et credidístis quia ego a Deo exívi. Exívi a Patre, et veni in mundum: íterum relínquo mundum, et vado ad Patrem.» Dicunt ei discípuli eius: «Ecce nunc palam loquéris et provérbium nullum dicis. Nunc scimus quia scis ómnia et non opus est tibi ut quis interroget: in hoc crédimus quia a Deo exísti.. Credo.
.
OFFERTORIUM
Benedícite, gentes, Dóminum Deum nostrum, et obaudíte vocem laudis ejus: qui pósuit ánimam meam ad vitam, et non dedit commovéri pedes meos: benedíctus Dóminus, qui non amóvit deprecatiónem meam, et misericórdiam suam a me. allelúja.
.
SECRETA
Súcipe, Dómine, fidélium preces cum oblatiónibus hostiárum: ut per hæc piæ devotiónis offícia, ad cæléstem glóriam transeámus. Per Dóminum.
.
Tua, Dómine, propitiatióne, et beatæ Maríæ semper Vírginis intercessióne, ad perpétuam atque præséntem hæc oblatio nobis profíciat prosperitatem et pacem.
.
Prótege nos, Dómine, tuis mystériis serviéntes: ut divínis rebus inhæréntes, et córpore tibi famulémur, et mente.
.
Præfatio Paschális.
.
COMMUNIO
Cantáte Dómino, allelúja: cantáte Dómino, et benedícite nomen ejus: bene nuntiáte de die in diem salutáre ejus, allelúja, allelúja.
.
POSTCOMMUNIO
Tríbue nobis, Dómine cæléstis mensæ virtúte satiátis: et desideráre quæ recta sunt, et desideráta percípere. Per Dominum.
.
Sumptis, Dómine, salútis nostræ subsídiis: da, quǽsumus, beatæ Maríæ semper Vírginis patrocíniis nos úbique prótegi; in cujus veneratióne hæc tuæ obtúlimus majestati.
.
Quǽsumus, Dómine Deus noster: ut, quos divína tribuis participatióne gaudére; humanis non sinas subjacére perículis.
.